काठमाण्डौ । सानिमा बैंक लिमिटेडको गत आर्थिक वर्षको बोनस सेयरका लागि सेयरमूल्य समायोजन गरिएको छ।
नेपाल स्टक एक्सचेन्ज (नेप्से) आज सानिमा बैंकको सेयरमूल्य समायोजन गर्दै प्रतिकित्ता २४७.१८ रुपैयाँ कायम गरेको छ। आज बजार बन्द हुँदा यो बैंकको प्रतिकित्ता सेयरमूल्य २७१.९० रुपैयाँ कायम भएको थियो। अब भोलि सोमबार समायोजित मूल्यअनुसार नै यो बैंकको सेयर कारोबारमा आउनेछ।
लाभांश र सभा प्रयोजनका लागि बैंकले भोलि मंसिर १९ गते एक दिन बुक क्लोज गर्ने निर्णय गरेको छ। यसको अर्थ आज मंसिर १८ गतेसम्म कायम सेयरधनीहरुमात्रै यो बैंकको लाभांश पाउन र सभामा भाग लिन योग्य भएका छन्।
बैंकले आफ्नो १८ औँ वार्षिक साधारणसभा आउँदो पुस ३ गते आयोजना गर्ने निर्णय गरेको छ। सभा काठमाण्डौको बालुवाटारस्थित आम्रपाली ब्यांक्वेटमा बिहान ११ बजेबाट सुरु हुनेछ।
सभाले आर्थिक वर्ष २०७८–७९ का लागि प्रस्तावित कुल १०.९८ प्रतिशत लाभांश अनुमोदन गर्नेछ। जसमा १० प्रतिशत बोनस सेयर र कर प्रयोजनार्थ ०.९८ प्रतिशत नगद लाभांश छन्।
सोही सभाले बैंकको अधिकृत पुँजी १२ अर्ब रुपैयाँबाट वृद्धि गरी १५ अर्ब रुपैयाँ पुर्याउने विशेष प्रस्ताव अनुमोदन गर्नेछ।
सभाले अन्य कुनै उपयुक्त बैंक तथा वित्तीय संस्थामा प्राप्ति वा मर्जर गर्न आवश्यक सहमति तथा सम्झौता गर्नेलगायत बैंकका तर्फबाट गर्नुपर्ने सम्पूर्ण कार्य गर्न सञ्चालक समितिलाई पूर्ण अख्तियारी प्रदान गर्ने विशेष प्रस्ताव पनि पारित गर्नेछ।
सभाले गत आर्थिक वर्षको वार्षिक, आर्थिकलगायतका प्रतिवेदनमा पनि पारित गर्नेछ।
4 months ago
4 months ago
4 months ago
4 months ago
4 months ago
4 months ago
4 months ago
4 months ago
4 months ago
4 months ago