राजश्व निर्धारण तथा संकलनमा प्रभावकारी बन्दै अनलाइन प्रणाली

काठमाण्डौ । अनलाइन प्रणालीबाट राजश्व निर्धारण तथा संकलन कार्य शुरु गरेको एक महिना बित्न नपाउँदै काठमाण्डौ महानगरपालिकाले रु पाँच करोड ५० लाख असुल गरेको छ। 

कामपाले यस प्रणालीको शुरुआत यही असोज १ गतेदेखि गरेको हो। शुरुआती चरणमा १० वटा वडाबाट काम भएको थियो। यही १३ गतेदेखि सबै वडाबाट सञ्चालनमा ल्याइएको अनलाइन राजश्व निर्धारण तथा संकलन प्रभावकारी बन्दै गहेको कामपाको भनाइ छ।

कामपा राजश्व विभागका निर्देशक शिवराज अधिकारी राजश्व संकलनमा पारदर्शी नभएको कामपालाई आरोप थियो। यो प्रणालीको कार्यान्वयनले त्यो आरोपको जवाफ दिएको बताउँछन् । यस कार्यको शुरुआतसँगै कामपालाई कर्मचारीको व्यास्थापन र पारदर्शी बनाउन सहयोग पुगेको भन्दै निर्देशक अधिकारीले सेवाग्राहीलाई पनि सहज भएको दाबी गर। 

यो प्रणाली साङ्ग्रिला इन्फरमेटिक्सले विकास गरेको हो। यही असोज १ गतेदेखि वडा नं १, २, ३, ४, १०, ११, १५, २६, ३० र ३१ बाट, असोज ५ गतेदेखि वडा नं ५, ६, ७, ९, १२, १४, १६, २८, २९ र ३२ बाट प्रणाली कार्यान्वयनमा ल्याइयो। यसैगरी असोज १३ गतेदेखि वडा नं ९, १३, १७, १८, १९, २० २१, २२, २३, २४, २५ र २७ मा प्रणाली सञ्चालनमा ल्याइयो। अनलाइन कर प्रणालीमा पब्लिक र कोर पोर्टल गरी दुईवटा प्लेटफर्म रहेका छन् । तीमध्ये पब्लिक पोर्टलका फिचर सेवाग्राहीले प्रयोग गर्न सक्छन्। 

यसमा करदाताले महानगरलाई बुझाउनुपर्ने करको प्रारम्भिक मूल्याङ्कन करदाता आफैँले घरमै बसेर गर्न सक्ने सुविधा छ। करदातासँग सम्बन्धित र सोधिएकारमाग गरिएका विवरण भरेपछि प्रणाली आफैँले करको प्रारम्भिक मूल्याङ्कन गरेर तिर्नुपर्ने राजश्वको अङ्क देखाउँछ। यसबाट महानगरलाई कति रकम तिर्नुपर्ने हो रु करदातालाई थाहा हुन्छ। करदाताका लागि यो जानकारी रकम र समय व्यवस्थापनका कोणबाट महत्वपूर्ण उपलब्धि हो।

- RSS