राप्ती हाइड्रोको आईपीओ भर्ने आज अन्तिम दिन

काठमाण्डौ । राप्ती हाइड्रो एन्ड जनरल कन्स्ट्रक्सन लिमिटेडको आईपीओमा आवेदन दिने आज साउन १ गते अन्तिम दिन रहेको छ। 

कम्पनीले गत असार २९ गतेबाट सर्वसाधारणका लागि आईपीओ बिक्री खुला गरेको हो। यो आईपीओमा आज बैंकिङ समयसम्म आवेदन दिन सकिने धितोपत्र बिक्री प्रबन्धक सिद्धार्थ क्यापिटलले जनाएको छ। 

कम्पनीले १०० रुपैयाँ अंकित दरका कुल २३ लाख ६६ हजार २४० कित्ता आईपीओ बिक्री खुला गरेको छ। जसमा यसअघि आयोजना प्रभावित स्थानीयका लागि जारी गरिएको आईपीओमा बिक्री हुन बाँकी ३७ हजार ६२३ कित्ता सेयर पनि समावेश गरिएको छ। 

कम्पनीले कुल कित्ताको ५ प्रतिशत अर्थात १ लाख १८ हजार ३१२ कित्ता सेयर सामूहिक लगानी कोषमा बाँडफाँड गरेको छ भने ३ प्रतिशतले हुन आउने ७० हजार ९८८ कित्ता कर्मचारीका लागि छुट्याएको छ। बाँकी २१ लाख ७६ हजार ९४४० कित्ता सेयरमा सर्वसाधारणले आवेदन दिन पाउनेछन्।

यो आईपीओमा न्यूनतम १० कित्ता र अधिकतममा २१ लाख कित्ताका लागि खरिद आवेदन दिन सकिनेछ। नेपाल धितोपत्र बोर्डबाट अनुमति गरी आस्बा सेवामा सहभागी बैंक तथा वित्तीय संस्था र तिनका शाखा कार्यालयहरुबाट तथा सीडीएससीको मेरो सेयरबाट अनलाइन आवेदन दिन सकिनेछ।