काठमाण्डौ अर्थमन्त्री डा प्रकाशशरण महतले रैथाने बालीको उत्पादनमा जोड दिन आग्रह गरेका छन् ।

प्रथम नुवाकोट खेलकूद तथा सांस्कृतिक महोत्सवको बिहीबार उद्घाटन गर्दै उनले रैथाने बालीको बजार र माग पर्याप्त रहेकाले थोरै उत्पादन भयो भने पनि मूल्य धेरै पाइने बताए ।

उनले रासायनिक मल, किटनाशक औषधिले नयाँ नयाँ रोग देखापरेको उल्लेख गर्दै जीवनशैली सुहाउँदो उत्पादनलाई प्रबर्द्धन गर्नुपर्ने बताए । 

महोत्सवमा नुवाकोटको कला संस्कृति, सभ्यता, खेलकूद, उत्पादन र विविध विशेषता झल्कने बताउँदै उनले महोत्सव हेर्न आउनेले जिल्लाको विविधता चिन्ने अवसर पनि पाउने बताए ।
नुवाकोटमा उत्पादन हुने फलफुल र तरकारी एक डेढ घन्टामा हामी काठमाण्डौको बजारमा पुर्‍याउन सक्ने सम्भावना औंल्याउँदै मन्त्री महतले भने, ‘सडक सञ्जालको विस्तार भएको छ, अब घरमा बसेर काठमाण्डौमा जागिर खान सकिन्छ, डेरा लिइराख्नु पर्दैन ।’