काठमाण्डौ । चीनको स्वास्थ्य आयोगले आफ्नो देशमा लगातार चौथो दिन पनि कोरोना संक्रमितको संख्या बढेको जनाएको छ।

समाचार एजेन्सी रोयटर्सका अनुसार चीनको राष्ट्रिय स्वास्थ्य आयोगले शनिबार देशमा ३९ हजार ७९१ नयाँ संक्रमित भेटिएको जनाएको छ। तीमध्ये ३ हजार ७०९ जनामा संक्रमणको लक्षण देखिएको छ भने ३६ हजार ८२ जनामा संक्रमणको लक्षण देखिएको छैन।

त्यसको एक दिनअघि शुक्रबार चीनमा ३५ हजार १८३ नयाँ संक्रमित थपिएका थिए। राजधानी बेइजिङ र चोङकिङ र ग्वाङ्झाउ जस्ता ठूला सहरमा संक्रमणका थप घटना आइरहेका छन्।

बेइजिङमा शनिबार ४ हजार ३०७ नयाँ केस देखिएका थिए भने एक दिनअघि २ हजार ५९५ मुद्दा दर्ता भएका थिए। चोङकिङमा शनिबार ८ हजार ८६१ र शुक्रबार ७ हजार ७२१ जनामा कोरोना संक्रमण देखिएको छ।

अर्कोतर्फ ग्वान्झाउमा शनिबार ७ हजार ४१२ र शुक्रबार ७ हजार ४१९ जनामा संक्रमण देखिएको छ। –एजेन्सी