काठमाण्डौ । सिटिजन्स बैंक इन्टरनेसनलले सवा १ लाख बढी कित्ता सेयर बिक्रीमा राखेको छ। 

सिटिजन्स बैंकले संस्थापक सेयरधनी सुमनराज प्याकुरेलको नाममा रहेको १ लाख ३४ हजार ९७४ कित्ता सेयर बिक्रीमा राखेको हो। 

यसअघि गत पुस २७ गते प्याकुरेलको नाममा रहेको ३ लाख ३८ हजार ९६०.३६ कित्ता सेयर बिक्रीमा राखेको थियो। त्यतिबेला संस्थापक सेयरधनीहरुका लागि मात्र बिक्री खुला गरिएको थियो। 

त्यतिबेला तोकिएको बिक्री हुन नसकेको १ लाख ३४ हजार ९७४ कित्ता सेयर अहिले सर्वसाधारणका लागि बिक्री खुला गरिएको हो। अब यो सेयर खरिदका लागि सर्वसाधारणले ३५ दिनभित्र काठमाण्डौको नारायणहिटी पथस्थित बैंकको केन्द्रीय कार्यालयमा सम्पर्क गर्न सक्नेछन्।