काठमाण्डौ। ह्वाट्सएपले भ्वाइस म्यासेज पठाउनुअघि प्रिभ्यू गर्न मिल्ने नयाँ फिचर ल्याएको छ। 

यो नयाँ अपडेटको सहायतामार्फत प्रयोगकर्ताले आफ्नो भ्वाइस म्यासेज सुन्न र इन्स्टेन्ट म्यासेजिङ एपमा सेयर गर्नका लागि अडियो ठीक छ कि छैन भन्नेबारे थाहा पाउनेछन्। यदि भ्वाइस म्यासेज पठाउन लायक छैन भने यसलाई डिस्कार्ड गर्न सकिन्छ र सेयर गर्नका लागि पुनः रेकर्ड गर्न सकिन्छ। 

भ्वाइस म्यासेज प्रिभ्यू फिचरले इन्डिभिजुअल र गुप्र च्याट दुवैमा काम गर्नेछ। यसका साथै यसलाई एन्ड्रोइड र आईओएसका साथ–साथै वेभ तथा डेस्कटपसहित सबै प्लेटफर्मका लागि जारी गरिएको छ। 

भ्वाइस म्यासेज प्रिभ्यू फिचरको प्रक्रिया

आफ्नो मोबाइलमा भ्वाइस म्यासेज प्रिभ्यू फिचर प्रयोग गर्नका लागि वाट्सएप च्याटमा माइक्रोफोन बटन थिच्नुपर्छ र ह्यान्ड–फ्री रेकर्डिङ लक गर्नका लागि यसलाई माथितिर स्लाइड गर्नुपर्छ। यसबाट एउटा इन्टरफेस प्राप्त हुन्छ। जहाँ एउटा स्टप बटन र एउटा ट्रयास क्यान देखिन्छ। 

प्रयोगकर्ताले स्टप बटनलाई ट्याप गर्न सक्छन् र म्यासेज पाउनेवालाई पठाउनुअघि आफ्नो भ्वाइस म्यासेज सुन्नका लागि प्ले बटन थिच्न सक्छन्। यदि रेकर्ड गरेको म्यासेज ठीक लागेन भने ट्रयास क्यानमा ट्याप गरेर यसलाई हटाउन सकिन्छ। –एजेन्सी