ह्वाट्सएपमा आयो कमालको फिचर, गुगल र माइक्रोसफ्टलाई दिनेछ टक्कर

काठमाण्डौ । ह्वाट्सएपले नयाँ फिचर लन्च गरेको छ। 

यो सुविधाको मद्दतले ह्वाट्सएपले गुगल मिट्स र माइक्रोसफ्ट टिम्स जस्ता प्लेटफर्महरुसँग प्रतिस्पर्धा गर्न सक्नेछ। त्यसो त ह्वाट्सएप आफ्नो कुनै पनि प्रतिस्पर्धाभन्दा धेरै अगाडि छ। सक्रिय प्रयोगकर्ताको हिसाबले अन्य प्लेटफर्महरु ह्वाट्सएप आसपास पुग्न सकेका छैनन्। 

कम्पनीले प्रयोगकर्ता अनुभव सुधार गर्न लगातार यो प्लेटफर्म सुधार गर्दछ। सोमबार ह्वाट्सएपले नयाँ फिचरको घोषणा गरेको हो। जुन प्रयोगकर्ताहरुले लामो समयदेखि प्रतीक्षा गरिरहेका थिए। यो फिचरको नाम ‘कल लिंक’ हो।

यसको मद्दतले ह्वाट्सएप प्रयोगकर्ताले चलिरहेको कलमा थप्न वा नयाँ कल सुरु गर्न सक्छन्। कल लिंकको सुविधा यो एपको कलिङ ट्यापमा फेला पर्नेछ। प्रयोगकर्ताले अडियो र भिडियो कलहरुका लागि लिंकहरु जनरेट गर्न र सेअर गर्न सक्छन्।

मेटाका अनुसार यी सेवाहरु यस साताको अन्त्यसम्ममा उपलब्ध हुनेछन्। यसलाई प्रयोग गर्न प्रयोगकर्तासँग ह्वाट्सएपको लेटेस्ट भर्जन हुनुपर्छ। योसँगै ह्वाट्सएपले ग्रुप भिडियो कलका बारेमा जानकारी दिएको छ।

एप भिडियो कलमा चाँडै ३२ जनालाई थप्न सकिनेछ। कम्पनीले यो फिचरको परीक्षण सुरु गर्न लागेको छ। मार्क जुकरबर्गले सामाजिक सञ्जाल पोस्टमा कल लिंक फिचर ह्वाट्सएपमा रिलिज हुने जानकारी दिएका छन्।

यसको मद्दतले प्रयोगकर्ताहरुले आफ्नो परिवार र साथीहरुसँग कलको लिंक सेअर गर्न सक्छन्। यो लिंकमा क्लिक गरेर प्रयोगकर्ताले कलमा सजिलै कलहरुमा जोडिन सकिनेछ। यो सुविधाले गुगल मिट र माइक्रोसफ्ट टिम्सजस्तै काम गर्नेछ।

यद्यपि मेटाले यो फिचर कुन अपरेटिङ सिस्टमले एन्ड्रोइड, आईओएस र विन्डोजलाई सपोर्ट गर्छ भन्ने स्पष्ट गरेको छैन। कल लिंक क्रिएट गर्न प्रयोगकर्ताले कल ट्याबमा क्रिएट कल लिंकमा क्लिक गर्नुपर्छ। त्यहाँबाट प्रयोगकर्ताले अडियो र भिडियो कलहरुका लागि लिंकहरु क्रिएट गर्न सक्छन्। –एजेन्सी