दुई दिन स्थिर रहेको डलरको भाउ घट्न थाल्यो

काठमाण्डौ। लगातार दुई दिन स्थिर रहेको अमेरिकी डलरको भाउमा गिरावट आउन थालेको छ।

गत शनिबार उकालो लागेर दुई दिन स्थिर बनेको डलरको भाउमा मंगलबार र बुधबार गिरावट आएको हो। डलरको भाउमा बुधबार ८ पैसा र मंगलबार ३४ पैसाको गिरावट आएको छ। 

नेपाल राष्ट्र बैंकले विदेशी मुद्राहरुका लागि बुधबार कायम गरेको विनिमय दरअनुसार प्रतिडलर खरिददर १२१.६१ रुपैयाँ र बिक्रीदर १२२.२१ रुपैयाँ कायम गरेको छ। यो भाउ हिजोको तुलनामा ३४ पैसाले कम हो।

हिजो मंगलबार प्रतिडलर खरिददर १२१.६९ रुपैयाँ र १२२.२९ रुपैयाँ कायम भएको थियो। यो दिन अघिल्लो दिनको तुलनामा ८ पैसाले डलरको भाउ घटेको थियो। 

गत सोमबार र आइतबार डलरको भाउ स्थिर रहेको थियो। यो दुवै दिन प्रतिडलर खरिददर १२२.०३ रुपैयाँ र बिक्रीदर १२२.६३ रुपैयाँ कायम भएको थियो। जब गत शनिबार ६१ पैसा भाउ बढ्दै प्रतिडलर खरिददर १२२.०३ रुपैयाँ र बिक्रीदर १२२.६३ रुपैयाँको उचाइमा पुगेको थियो। 

डलरको भाउले गत बुधबार अप्रिल २२ मा नेपालकै इतिहासमा सर्वाधिक उचाइ कायम गरेको थियो। यो दिन प्रतिडलर खरिददर १२२.६४ रुपैयाँ र बिक्रीदर १२३.२४ रुपैयाँ रहेको थियो। 

विश्वमहामारी कोरोनाभाइरसले अमेरिकी अर्थतन्त्र र स्वास्थ्य क्षेत्र निकै प्रभावित भइरहेको बेला डलरको भाउ बलियो बन्दै गइरहेको छ। डलरको भाउ बलियो बन्दा नेपाली मुद्रा भने कमजोर बनिरहेको छ।