काठमाण्डौ । साधना लघुवित्त वित्तीय संस्था लिमिटेडले यही असार २१ गतेदेखि रु ७ करोड ७ लाख ८० हजारबराबरको आईपीओ निष्कासन तथा बिक्री खुला गर्ने भएको छ।

संस्थाले प्रतिकित्ता रु. १०० दरका ७ लाख ७ हजार ८ सय कित्ता आईपीओ निष्कासन गर्ने भएको हो। निष्कासन गरिने कुल सेयरमध्ये ०.५० प्रतिशत अर्थात १० हजार ८९० कित्ता कर्मचारीका लागि र ५ प्रतिशत अर्थात ३५ हजार ३९० कित्ता सामूहिक लगानी कोषका लागि छुट्याएको छ। बाँकी ६ लाख ६१ हजार ५२० कित्ता सेयर सर्वसाधारणका लागि जारी हुनेछ। 

लगानीकर्ताले यस आईपीओमा न्यूूनतम १० कित्तादेखि १ हजार कित्तासम्म आवेदन दिन सकिने छन् । आईपीओ निष्कासन तथा बिक्री प्रबन्धकमा ग्लोबल आईएमई क्यापिटल तोकिएको छ। 

यो आईपीओ निष्कासन छिटोमा असार २४ गते र ढिलामा साउन ४ गते बन्द हुनेछ। 

साधना लघुवित्तको आईपीओमा नेपाल धितोपत्र बोर्डबाट स्वीकृतिप्राप्त गरेका सम्पूर्ण सि–आस्वा सदस्य बैंक तथा वित्तीय संस्थाबाट आवेदन दिन सकिन्छ। त्यस्तै ‘मेरो सेयर’ मार्फत पनि आवेदन भर्न सकिनेछ। 

यो आईपीओलाई केयर रेटिङ नेपालले औसतभन्दा कम आधार जनाउने ग्रेड ४ प्लस प्रदान गरेको छ।