काठमाण्डौ । नेपाल राष्ट्र बैंकले आज दिउँसो पत्रकार सम्मेलन गर्ने भएको छ। 

राष्ट्र बैंकका गभर्नर महाप्रसाद अधिकारीको उपस्थितिमा पत्रकार सम्मेलन गर्न लागिएको छ। कार्यक्रम आज दिउँसो १ः३० बजे काठमाण्डौको होटेल र्‍याडिसनमा हुनेछ। 

पत्रकार सम्मेलनमा गभर्नर अधिकारीले देशको वर्तमान आर्थिक तथा वित्तीय स्थितिका सम्बन्धमा जानकारी दिनेछन्। 

पछिल्लो समय बैंकिङ क्षेत्र, पुँजीबजारलगायत समग्र अर्थतन्त्र सुधारका विषयमा सकारोबारवाला निकायहरुले विभिन्न आवाज उठाउँदै आएका छन्। विभिन्न कार्यक्रमहरुमा प्रधानमन्त्री पुष्पकमल दाहाल ‘प्रचण्ड’ र अर्थमन्त्री डा प्रकाशशरण महतले पनि अर्थतन्त्र सुधारका लागि उचित पहल गर्ने आश्वासन दिँदै आएका छन्। 

यही बेला राष्ट्र बैंकले आयोजना गर्न लागिएको पत्रकार सम्मेलन निकै महत्वका साथ हेरिएको छ।