काठमाण्डौ । विश्वकै सबैभन्दा ठूलो तेल कम्पनी साउदी आरामकोले आईपीओ ल्याउन रजिस्ट्रेसन सुरु गरिसकेको छ । यो विश्वकै ठूलो धनराशिको आईपीओ हुनेछ ।

यस्तैमा साउदी आरामकोपछि दास्रो सबैभन्दा ठूलो आईपीओ ल्याउन तयारीमा यतिखेर विश्वकै ठूलो अग्रणी ई–कमर्श कम्पनी अलीबाब जुटेको छ ।

चीनको दिग्गज अनलाइन रिटेल कम्पनी अलीबाबाले हङकङमा आईपीओ निष्कासन गरी १३ अर्ब अमेरिकी डलर जुटाउने घोषणा गरेको हो । अलीबाबाले आईपीओ बिक्रीका लागि सेयरको मूल्य प्रतिकित्ता १७६ हङकङ डलर तय गरेको छ । यो करिब एक दशकयताकै हङकङमा सबैभन्दा ठूलो आईपीओ हुनेछ ।

अलीबाबाका अनुसार आईपीओमार्फत कम्पनीले ५० करोड सेयर बेच्नेछ । यसका अलावा कम्पनीसँग ७.५ करोड अरु सेयर बेच्ने विकल्प पनि हुनेछ । यसरी कम्पनीले करिब १३ अर्ब अमेरिकी डलर जुटाउन सक्नेछन् ।

यसअघि पनि अलीबाबाले २५ अर्ब अमेरिकी डलरबराबरको आईपीओ निष्कासन गरेको थियो । जुन त्यतिबेला विश्वकै सबैभन्दा ठूलो आईपीओ थियो ।

साउदी आरामको गत वर्ष आईपीओ निष्कासनको घोषणा गरेको थियो । यो आईपीओबाट आरामकोले करिब ४० अर्ब अमेरिकी डलर जुटाउने लक्ष्य राखेको छ । – एजेन्सी