काठमाण्डौ । सनराइज बैंकले ललितपुरको कुपण्डोलमा शाखा कार्यालय संचालनमा ल्याएको छ । 

बैंकले आफ्नो ११७ औं शाखाको रुपमा कुपण्डोलमा शाखा स्थापना गरी औपचारिक कारोबार बिहीबारदेखि थालेको हो । 

बिहीबार आयोजित एक समारोहका बीच सो शाखाको ललितपुर महानगरपालिकाका मेयर चिरिबाबु महर्जन र सनराइज बैंकका संचालक ईं बच्छराज तातेडले संयुक्त रुपमा  उद्घाटन गरेका बैंकले जनाएको छ । 

सो क्रममा शाखा रहेकै स्थानमा एटीएमको समेत औपचारिक सुरुवात गरिएको थियो । 

उद्घाटन समारोहमा संचालक समितिका सदस्यहरु शारदा शर्मा पूडासैनी, ओमकृष्ण जोशी, सनराइज बैंकका सीइओ जनक शर्मा पौड्याल लगायतको सहभागिथता थियो । 

हालसम्म सनराइज बैंकको शाखा संख्या ११७ पुगेको छ भने ३८ वटा शाखारहित इकाई, ५ वटा एक्सटेन्सन काउण्टर, १३५ वटा एटीएममार्फत आफ्ना ५ लाख बढी ग्राहकलाई बैंकले सेवा पुर्याउँदै आइरहेको छ ।