कोरोनाले विश्वमा बेरोजगारीको भयावह अवस्था, करोडौँ मानिस कामविहीन

काठमाण्डौ । कोरोनाभाइरसले विश्व अर्थव्यवस्थामा पारेको सुुरुआती असरको आँकडालाई हेर्ने हो भने रोजगार गुमाउने संख्या भयावह देखिएको छ।

महामारीको यो संकटले विश्व बजारमा बेरोजगारीको दर ह्वात्तै बढाइदिएको छ। विभिन्न देशले कोरोना नियन्त्रण र रोकथामका लागि लकडाउन र प्रतिबन्धहरु लगाएकाले मानिसहरुले आफ्नो रोजगारी धमाधम गुमाउनुपरिरहेको छ। 

कोरोनाको प्रभावले गर्दा सहरी क्षेत्रको बेरोजगारी दर ३०.९ पुुग्ने र समग्रमा २३.४ पुुग्ने प्रक्षेपण गरिएको छ। 

सेन्टर फर मोनिटरिङ इन्डियन इकोनोमिको साप्ताहिक आँकडालाई हेर्ने हो भने मध्य मार्चमा ८.४ प्रतिशत रहेको बेरोजगारी दर ५ अप्रिलमा बढेर २३ प्रतिशत पुुगेको छ। विश्वको सबैभन्दा ठूलो लकडाउन मानिएको भारतमा कोरोनाको कारण बेरोजगारी दरमा व्यापक बढोत्तरी भएको छ। 

भारतका तथ्यांकविद प्रनव सेनका अनुुसार भारतमा कोरोनाका कारण ५ करोड मानिसहरु बेरोजगार बनेका छन्। 

गत साता अमेरिकामा पनि १ करोड मानिस बेरोजगार बनेको आँकडाहरुले जनाएका थिए। लकडाउन जारी रहिरहेकाले बेरोजगारी दर अझै बढ्ने विज्ञहरुले बताइरहेका छन्। 

लकडाउन र प्रतिबन्धहरु हटाइएपछि बेरोजगारी दरमा पनि बढोत्तरी हुुने हो त्यो हेर्नुु अहम हुुनेछ। – एजेन्सी