काठमाण्डौ । राकेश झुनझुनवाला भारतका सबैभन्दा सफल लगानीकर्ता हुन्। जम्मा ५ हजार रुपैयाँ लिएर सेयर बजारमा प्रवेश गरेका राकेश झुनझुनवाला आज देशका शीर्ष धनीव्यक्तिको सूचीमा परेका छन्। 

झुनझुनवालाको सफलता ‘परीको कथा’ जस्तै छ। झुनझुनवालाले आफ्नै एयरलाइन आकाश एयर सुरु गर्न लागेका छन्। चाखलाग्दो कुरा के छ भने टाटा समूहको एक सेयरले राकेश झुनझुनवालाको भाग्य बदलेको थियो र आज उनी त्यही टाटा समूहसँग आकाश एयरमार्फत टक्कर दिन गइरहेका छन्। 

टाटा समूहले भर्खरै एयर इन्डिया किनेको छ। यसअघि पनि कम्पनीसँग एयर एसिया र विस्ताराका दुई एयरलाइन्स छन्। आकाश एयरको आगमनसँगै राकेश झुनझुनवालाले टाटा समूहसँग सीधा प्रतिस्पर्धा गर्नेछन्।

राकेश झुनझुनवाला पहिलोपटक सन् १९८५ मा सेयर बजारमा प्रवेश गरेका थिए। उनले ५ हजार लगानी गरेर सन् १९८६ मा पहिलो नाफा कमाए। उनले टाटा टीको सेयर ४३ रुपैयाँमा किनेका थिए र तीन महिनापछि प्रतिसेयर १४३ रुपैयाँमा बेचेका थिए। त्यसपछि उनले पछाडि फर्केर हेरेनन्। 

सन् १९८६ देखि १९८९ सम्म राकेश झुनझुनवालाले २ देखि २.५ करोड रुपैयाँ नाफा कमाए। यसपछि सेसा स्टारलिटले १ करोड रुपैयाँमा कम्पनीको ४ लाख सेयर किनेर यो लगानीमा ठूलो नाफा कमाएको थियो।

सन् २००३ मा राकेश झुनवालाले टाटा समूहको अर्को कम्पनी टाइटन कम्पनीमा लगानी गरे। यो सेयरले उनको भाग्य बदल्यो। उनले ३ रुपैयाँमा ६ करोड सेयर किनेका थिए। आज यसको एक कित्ता सेयरको मूल्य १ हजार ९६१ रुपैयाँ छ। यो स्टक अझै पनि उनको मनपर्ने स्टक हो।

आज राकेश झुनझुनवालाको पोर्टफोलियोमा धेरै कम्पनीको सेयर समावेश छ। जसमा सेल, टाटा मोटर्स, टाटा कम्युनिकेसन्स, लुपिन, टीभी १८, डीबी रियल्टी, इन्डियन होटल्स, इन्डियाबुल्स हाउसिङ फाइनान्स, फेडरल बैंक, करुर वैश्य बैंक, एस्कर्ट्स लिमिटेड, टाइटन कम्पनीजस्ता कम्पनी पर्छन्।

राकेश झुनझुनवाला अब हवाई क्षेत्रमा पनि प्रवेश गर्न लागेका छन्। उनको लगानीको एयरलाइन्स कम्पनी आकाशा एयरले केही दिनमै ट्रायल सुरु गर्ने भएको छ। भर्खरै, यसको चालक दलका लागि युनिफर्म लन्च गरिएको छ। आकाशा एयरले सस्तोमा उड्डयन सेवा प्रदान गर्ने लक्ष्य राखेको छ। 

राकेश झुनझुनवालाले यो कम्पनीमा करिब ५ करोड डलरको ठूलो लगानी गरेका छन्। अर्थात् टाटा समूहका कम्पनीबाट पैसा कमाउने झुनझुनवाला अहिले टाटासँग आकाशमा टक्कर दिने तयारीमा छन्। 

टाटा समूहले भर्खरै एयर इन्डिया किनेको छ। यसबाहेक यसमा एयर एसिया र विस्ताराजस्ता एयरलाइन्स पनि छन्। –एजेन्सी