काठमाण्डौ । बेलायतका प्रधानमन्त्री बोरिस जोनसन पनि कोभिड १९ बाट संक्रमित भएका छन् । 

उनले केहीबेरअघि एक ट्वीट गर्दै आफैंले यसको पुष्टि गरेका हुन् । 

'विगत २४ घण्टाभित्रमा मलाई कोरोना संक्रमणका सामान्य लक्षणहरु देखिए र जाँच गर्दा कोरोना भाइरसको पोजिटिभ रिपोर्ट देखियो । म अहिले सेल्फ आइसोलेसनमा छु । तर, मैले भिडियो कन्फरेन्सबाटै सरकारी काम गर्नेछु र कोरोनाविरुद्धको संघर्ष जारी राख्नेछु । हामी सबै मिलेर यसलाई हराउनेछौ ।'-उनले ट्वीट गर्दै भनेका छन् । 

प्रधानमन्त्री जोनसनका प्रवक्ताले समेत कोरोना पोजिटिभको पुष्टि गर्दै उनी सरकारी निवासमै सेल्फ आइसोलेसनमा रहेका बताएका छन् । 

यसअघि बेलायताका राजकुमारलाई समेत कोरोना संक्रमण देखिएको थियो । उनी पनि स्कटल्याण्डमा सेल्फ आइसोलेसनमा छन् ।