काठमाण्डौ । भारतको केन्द्रीय बैंक रिजर्भ बैंक अफ इन्डिया (आरबीआई) ले कारोबार समयमा ठूलो परिवर्तन गरेको छ। 

कारोबार समयलाई परिवर्तन गरेर आरबीआईले कोरोना महामारीअधिको अवस्थामा फर्काउने निर्णय गरेको छ। भारतको केन्द्रीय बैंकको यो निर्णयपछि अब सेयर बजारमा बार समय बढेको छ। 

नयाँ परिवर्तित समय आउँदो डिसेम्बर १२ देखि लागू हुनेछ। आरबीआईले डिसेम्बर १२ देखि कोरोनाअघिको अवस्थाबाट अर्थात् बिहान ९ बजेदेखि बेलुका ५ बजेसम्म कारोबार गर्ने निर्णय गरेको छ। यसअघि दिउँसो ३ः३० बजेसम्म सेयर बजार खुल्ने गरेको थियो। यसको मतलब लगानीकर्ताले कारोबारका लागि डेढ घन्टा अतिरिक्त समय पाउनेछन्। 

यो निर्णयसँगै कल, नोटिस, टर्म मनी, कमर्सियल पेपर र डिपोजिटको प्रमाणपत्र, कर्पोरेट बन्डको कारोबार गर्न डेढ घन्टाको अतिरिक्त समय उपलब्ध हुनेछ। यसअघि कोरोना महामारीका बेला ७ अप्रिल २०२० मा सेयर बजारमा कारोबार हुने समय घटाइएको थियो। 

डिसेम्बर १२ देखि कारोबार समय यस्तो हुनेछ

  • कल, सूचना, टर्म मनी समयः बिहान ९ बजेदेखि दिउँसो ३ः३० बजेबाट बढाएर बिहान ९ः०० देखि साँझ ५ बजेसम्म।
  • मार्केट रिपोः बिहान ९ बजेदेखि दिउँसो २ः३० बजेसम्म।
  • ट्राई पार्टी रिपोटः बिहान ९ बजेदेखि दिउँसो ३०० बजेसम्म।
  • कमर्सियल पेपर र सर्टिफिकेट अफ डिपोजिटः बिहान ९ बजेदेखि साँझ ५ बजेसम्म। 
  • रिपोट इन कर्पोरेट बन्ड ः बिहान ९ बजेद ेखि साँझ ५ बजेसम्म।
  • गभर्मेन्ट सेक्युरिटिजः बिहान ९ बजेदेखि दिउँसो ३ः३० बजेसम्म। 
  • विदेशी मुद्रा व्यापारः बिहान ९ बजेदेखि दिउँसो ३ः३० बजेसम्म।