काठमाण्डौ । दुई लघुवित्त आपसमा मर्ज भई बनेको महुली लघुवित्त वित्तीय संस्था लिमिटेडले आउँदो मंसिर ८ गतेबाट एकीकृत कारोबार सुरु गर्ने भएको छ।

महुली लघुवित्तले नवकिरण लघुवित्तलाई गाभेको हो। दुवै लघ्ुवित्तको गत वैशाख १७ गते सम्पन्न विशेष साधारणसभाले आपसमा गाभ्ने/गाभिने प्रक्रियालाई टुंगो लगाएको थियो। 

आज शुक्रबार बसेको दुवै लघुवित्तको सञ्चालक समितिको बैठकले मंसिर ८ गतेबाट महुली लघुवित्त वित्तीय संस्था लिमिटेडको नामबाट एकीकृत कारोबार सुरु गर्ने निर्णय गरेको छ।

मर्जर प्रक्रिया र एकीकृत कारोबार सुरु गर्न नेपाल राष्ट्र बैंकले गत कात्तिक १९ गते नै स्वीकृति दिइसकेको छ। कम्पनी रजिस्ट्रारको कार्यालयले पनि गत कात्तिक २४ गते एकीकृत कारोबारका लागि स्वीकृति दिएको थियो।