माउण्ट मकालुको हकप्रदको बिक्री खुल्यो, कहाँ-कहाँबाट दिने आवेदन ?

काठमाण्डौ । माउण्ट मकालूू डेभलपमेन्ट बैंकले बिहीबार(मंसिर ७ गते)देखि २ बराबर १ को अनुपातमा हकप्रद सेयरको बिक्री खुल्ला गरेको छ ।

यो बैंकले १०० रुपैयाँ अंकित मूल्यका ३ लाख ४५ हजार ८ सय कित्ता सेयरको बिक्री खुलाएको हो। 

बिहीबारदेखि खुलेको हकप्रदमा सेयरधनीले पुस १२ गतेसम्म आवेदन दिनसक्नेछन् । 

यो बैंकले हकप्रद प्रयोजनका लागि कात्तिक १६ गतेलाई बुक क्लोजको मिति तोकेको थियो । 

यसको अर्थ कात्तिक १५ गतेभित्र यो बैंकको सेयर खरीद गरेकाहरुले हकप्रद भर्न पाउनेछन् । हकप्रदको निश्कासन तथा बिक्री प्रबन्धकको काम एनआइबिएल क्यापिटल मार्केट्स लिमीटेडले गर्नेछ । 

इच्छुक सेयरधनीले काठमाण्डौको लाम्पिाटस्थित बिक्री प्रबन्धकको मुख्य कार्यालय, मकालुु विकास बैंक र नेपाल इन्भेष्टमेन्ट बैंकका सबै शाखा कार्यालयबाट हकप्रद भर्न पाउनेछन् । 

मकालुु विकास बैंकको २०७३ फागुन २५ गते सम्पन्न छैठौ वार्षिक साधारणसभाले ५० प्रतिशत हकप्रद निश्कासनको प्रस्ताव पारित गरेको थियो । यो बैंकको हाल चुक्तापूँजी ६ करोड ९१ लाख रुपैयाँ रहेको छ । ५० प्रतिशत हकप्रद निश्कासनपछि चुक्तापूँजी वृद्धि भई १० करोड ३७ लाखको उचाईमा पुुग्नेछ ।