काठमाण्डौ । चर्चित मास्टर शेफ कार्यक्रमका जज जोक जोनफ्रिलोको ४६ वर्षको उमेरमा निधन भएको छ। उनको अस्ट्रलियाको मेलबर्नमा आइतबार निधन भएको हो। 

सीएनएनका अनुसार जोक सन् २०१९ मा मास्टर शेफ कार्यक्रमको निर्णायक मण्डलीमा सामेल भएका थिए। उनी सोमबारदेखि मेलबर्नमा हुन लागेको ‘कुकिङ शो’को नयाँ शृंखलामा भाग लिन पुगेका थिए। 

जोक सन् १९७६ मा बेलायतको ग्लास्कोमा जन्मेका थिए। उनको शेफको करिअर लन्डनमै सुरुआत भएको थियो भने पछि सन् १९९९ मा उनी अस्ट्रेलिया पुगेका थिए। 

जोकले थुप्रै कुकिङ कार्यक्रमको जज गरेका छन्। उनको कार्यक्रमपछि मास्टर शेफका रुपमा चर्चित हुन पुगेको थियो। 

जोकको निधनको कारण भने यकिन भइसकेको छैन। यद्यपि, अन्तर्राष्ट्रिय सञ्चार माध्यमहरुले जोक ड्रग एडिक्ट भएको जनाएका छन्। 

नेपालबाट पनि सन्तोष साह मास्टर सेफको नामले चिनिएका छन्। साह पनि हाल ‘कुकिङ शो’मा सहभागी हुन अस्ट्रेलियामा छन्। उनले त्यहाँ नेपाली खानाका परिकारहरुको प्रवर्द्धन गर्ने बताइएको छ। –एजेन्सीको सहयोगमा