काठमाण्डौ । प्रभूू बैंकको बागलुङ्ग बजारस्थित बागलुङ शाखाले चैतेदशै मेलाको अवसर पारेर रक्तदान कार्यक्रम आयोजना गरेको छ । 

हालै सम्पन्न रक्तदान कार्यक्रममा बैंकका कर्मचारीसहित बागलुङस्थित अन्य विभिन्न कार्यालयका कर्मचारी, अन्य बैंकका प्रतिनिधि र मेला भर्न आएका सर्वसाधारणहरुले रक्तदान गरेका थिए । 

नेपाल रेडक्रस सोसाईटी र रक्त संचार केन्द्रको सहकार्यमा भएको रक्तदान कार्यक्रमबाट मानव स्वास्थ्यसँग प्रत्यक्ष सरोकार राख्ने रगतको अभाव हुन नदिन नेपालको बैंकिङ्ग क्षेत्र पनि कटिबद्ध रहेको छ भन्ने सन्देश गएको बैंकको भनाई छ । 

रक्तसंचार केन्द्र बागलुङमा एकैपटकमा धेरै रगतको संकलन गर्ने क्षमता नभएको कारण जम्मा २७ जना रक्तदाताहरुले रक्तदान गरेका थिए ।