रिटर्न होस् त यस्तोः १० हजारको लगानी बन्यो ३०० करोड

नयाँदिल्ली । कोटक महिन्द्रा बैंकको सेयर फेब्रुअरी ६, २००३ देखि अहिलेसम्म २२,००० प्रतिशतले बढेको छ। यो त्यो दिन थियो जब यो निजी ऋणदाताले बैंकिङ लाइसेन्स पाएको थियो। 

त्यतिबेला यो बैंकिङ इजाजतपत्र प्राप्त गर्ने पहिलो भारतीय एनबीएफसी कम्पनी बनेको थियो ।  त्यतिबेला बैंकको बजार पुँजीकरण ९४७ करोड रुपैयाँ थियो । यो अब बढेर रु ३५०२६२  करोड पुगेको छ। 

एसीई इक्विटीको तथ्याङ्क अनुसार त्यसबेला कोटक महिन्द्रा फाइनान्सको समायोजित सेयर मूल्य ७.९९ रुपैयाँ थियो। जहाँ सेप्टेम्बर ४, २०२३ मा बैंकको शेयर १७६२ रुपैयाँमा बन्द भएको छ ।

४ पटक बोनस सेयर

यसैबीच, स्टक विभाजन, लाभांश, बोनस र अधिकार प्रस्ताव जस्ता कर्पोरेट कार्यहरू पनि हुन्छन्, जसले शेयर मूल्यलाई असर गर्छ। एसीई इक्विटीका अनुसार कोटक बैंकले लगानीकर्तालाई ४ पटक बोनस सेयर दिएको छ ।

१० हजार बन्यो ३०० करोड

यदि तपाईंले १९८५ मा कोटक महिन्द्रा बैंकमा १० हजार रुपैयाँ लगानी गर्नुभएको थियो भने, तपाईं आज ३०० करोड रुपैयाँको मालिक हुनुहुन्थ्यो। 

उदय कोटकले केही दिनअघि बैंकका एमडी र सीईओ पदबाट राजीनामा दिएका थिए । कोटकको आफ्नै कुल सम्पत्ति १४.५ बिलियन डलर छ। यसको अधिकांश कारण बैंकमा उनको २६ प्रतिशत सेयर हो ।

बैंकले १ लाखलाई रोजगारी दिने

कोटकले ट्वीटरमा लेखे-'हामी अब विश्वास र पारदर्शिताको मूल सिद्धान्तमा आधारित अग्रणी बैंक तथा वित्तीय संस्था हौं। हामीले हाम्रा सरोकारवालाहरूको लागि मूल्य सिर्जना गरेका छौं। हामीले एक लाख प्रत्यक्ष रोजगारी दिइरहेका छौं। हाम्रो कम्पनीमा सन् १९८५ मा भएको १०,००० रुपैयाँको लगानी आज ३०० करोड रुपैयाँ भएको छ ।'

-Agency