काठमाण्डौ । नेपाल राष्ट्र बैंकले १७ अर्ब ८६ करोड रुपैयाँ बढीको ट्रेजरी बिल नवीकरण गर्ने भएको छ। 

केन्द्रीय बैंकले मंसिर १ गते जारी हुने ९१ दिने र १८२ दिने गरी कुल १७ अर्ब ८५ करोड ५० लाख रुपैयाँको ट्रेजरी बिल नवीकरण गर्ने भएको हो। राष्ट्र बैंकले ९१ दिनका लागि ८ अर्ब रुपैयाँ र १८२ दिनका लागि ९ अर्ब ८५ करोड ५० लाख रुपैयाँको ट्रेजरी बिल नवीकरण गर्नेछ। यी ट्रेजरी बिल क्रमशः चैत १ गते र २०८१ जेठ १ गते परिपक्व हुनेछन्।

यी ट्रेजरी बिलको भोलि शुक्रबार दिउँसो १२ः३० बजे अनलाइनका माध्यमबाट बोलकबोल हुनेछ। बोलकबोलमा सबै वर्गका बैंक तथा वित्तीय संस्था, संगठित संस्था तथा सर्वसाधारण नागरिकसमेत सहभागी हुन सक्नेछन्। 

बोलकबोलमा सबैभन्दा बढी मूूल्य तोक्ने संस्थालाई पहिलो प्राथमिकतामा राखी क्रमैसँग आह्वान रकमसम्म ट्रेजरी बिलको बाँडफाँड हुने गर्दछ।

ट्रेजरी बिल १ वर्ष वा १ वर्षभन्दा कम अवधिको आन्तरिक ऋण उठाउन प्रयोग गरिने अल्पकालीन सरकारी ऋणपत्र हो।