काठमाण्डौ । शिखर इन्स्योरेन्स कम्पनी लिमिटेडले यही असार १४ गतेदेखि चुक्तापूँजीको ३० प्रतिशत हकप्रद सेयर निष्कासन गर्ने भएको छ।

कम्पनीले १:०.३ अनुपात अर्थात १० कित्ताबराबर ३ कित्ता हकप्रद सेयर निष्कासन गर्न लागेको हो। कम्पनीले १०० रुपैयाँ अंकित दरका ३१ लाख ७१ हजार ९३२ कित्ता हकप्रद बिक्री खुला गर्नेछ।

हकप्रद निष्कासनका लागि कम्पनीले फागुन १३ गते एक दिनका लागि बुक क्लोज गरेको थियो। यसको मतलब कम्पनीको हकप्रद खरिदका लागि फागुन १२ गतेभित्र सेयर किनेर सेयरधनी कायम भएकाहरु योग्य हुनेछन्।

हकप्रद सेयर बिक्री प्रबन्धकमा एनआईबीएल एस क्यापिटल रहेको छ। हकप्रद खरिदका लागि साउन ४ गतेसम्म आवेदन दिन सकिनेछ।

हाल यो कम्पनीको चुक्तापूँजी १ अर्ब ५ करोड रुपैयाँ रहेको छ। हकप्रदपछि चुक्तापूँजी बढेर १ अर्ब ३६ करोडको उचाईमा पुग्नेछ। 

इक्रा नेपालले यो कम्पनीले निश्कासन गर्न लागेको हकप्रदलाई आइपीओ ग्रेड थ्री प्लसको रेटिङ दिएको छ। यसको अर्थ कम्पनीको वित्तीय अवस्था औसत छ भन्ने हो। 

यसअघि कम्पनीले यो हकप्रद गत चैत १३ गतेदेखि बिक्री खुला गर्ने भनेको छ। कोरोना महामारी नियन्त्रण तथा रोकथामका कारण चैत ११ गते सरकारले लकडाउन गरेपछि हकप्रद निष्कासन स्थगित हुन पुगेको थियो।