काठमाण्डौ । कालिका लघुवित्त वित्तीय संस्थाले आर्थिक वर्ष २०७९–८०को चौथो त्रैमाससम्म ४ करोड ६२ लाख रुपैयाँ खुद नाफा आर्जन गरेको छ।
आज सार्वजनिक गत आर्थिक वर्षको चौथो त्रैमास वित्तीय विवरणअनुसार संस्थाको यो नाफा अघिल्लो वर्षको यही अवधिको तुलनामा ६४.०१ प्रतिशतले कम हो। अघिल्लो वर्ष यही अवधिमा संस्थाले १२ करोड ८४ लाख रुपैयाँ नाफा आर्जन गरेको थियो।
समीक्षा अवधिमा संस्थाको सञ्चालन मुनाफा पनि ६४.०४ प्रतिशतले घटेर ६ करोड ६० लाख रुपैयाँ खुम्चिएको छ। अघिल्लो वर्ष यस्तो मुनाफा १८ करोड ३७ लाख रुपैयाँ थियो।
संस्थाको खुद ब्याज आम्दानी २५ करोड ५० लाख रुपैयाँ छ। जुन अघिल्लो वर्षको तुलनामा १३.४८ प्रतिशतले कम हो। अघिल्लो वर्ष यस्तो आम्दानी २९ करोड ४७ लाख रुपैयाँ थियो।
समीक्षा अवधिसम्म संस्थाको खराब कर्जा अनुपात (एनपीएल) बढेर ४.१३ प्रतिशत पुगेको छ। अघिल्लो वर्ष यही अवधिसम्म एनपीएल ३.११ प्रतिशत थियो।
खराब कर्जा बढ्दा संस्थाले प्रोभिजनका रुपमा ४९ लाख २ हजार रुपैयाँ इम्पेयरमेन्ट चार्ज छुट्याएको छ। अघिल्लो वर्ष यस्तो चार्ज ३ करोड ८९ लाख रुपैयाँ छुट्याएको थियो।
समीक्षा अवधिसम्म संस्थाले १ अर्ब ९१ करोड रुपैयाँ सापटी लिई ३ अर्ब ७० करोड रुपैयाँ कर्जा परिचालन गरेको छ। अघिल्लो वर्ष १ अर्ब ८६ करोड रुपैयाँ सापटी लिई ३ अर्ब ७८ करोड रुपैयाँ कर्जा परिचालन गरेको थियो।
संस्थाको रिजर्भको आकार २२.४७ प्रतिशतले उकालो लागेको छ। अघिल्लो वर्ष ९ करोड २४ लाख रुपैयाँ रहेको रिजर्भमा बढेर ११ करोड ३१ लाख रुपैयाँ पुगेको छ।
चुक्तापुँजी ३७ करोड २३ लाख रुपैयाँ रहेको संस्थाको प्रतिसेयर आम्दानी (ईपीएस) घटेर १२.४२ रुपैयाँ कायम भएको छ। अघिल्लो वर्ष ईपीएस ४१.०७ रुपैयाँ थियो। ईपीएस ६९.७६ प्रतिशतले घटेको छ।
पीई रेसियो ५९.२६ गुणा रहेको संस्थाको प्रतिसेयर नेटवर्थ १४९.०७ रुपैयाँ रहेको छ।
3 months ago
3 months ago
3 months ago
3 months ago
3 months ago
3 months ago
3 months ago
3 months ago
3 months ago
3 months ago