काठमाण्डौ । लक्ष्मी क्यापिटल मार्केट लिमीटेडले प्रवद्र्धन गरेको ५ वर्षे बन्दमुखी म्युचुअल फण्ड 'लक्ष्मी भ्यालू फण्ड-१' को खूद सम्पत्ति मूल्य(नेट एसेट भ्यालू) बढेको छ । 

यो फण्डले बिहीबार प्रकाशित गरेको मासिक बित्तीय विवरण अनुसार नेट एसेट भ्यालू साउनमा  १२ रुपैयाँ ९३ पैसा रहेकोमा भदौमा १३.६१ रुपैयाँ पुगेको छ । 

५० करोडको फण्डबाट सुरु भएको यो स्किमले ४२ करोड ३१ लाख सूचिकृत  कम्पनीको सेयरमा तथा २७ लाख ८१ हजार रुपैयाँ सार्वजनिक निश्कासनहरुमा लगानी गरेको छ । ५० सूचिकृत कम्पनीका कुल ३ लाख १३ हजार ८ सय कित्ता सेयरमा यो म्युचुअल फण्डको लगानी छ । 

यो म्युचुअल फण्डको खूद नाफा साउनमा १२ करोड ९३ लाख रहेकोमा भदौंमा १३ करोड ६१ लाख पुगेको छ । यो हिसाबले यसको नाफा ३५.७५ प्रतिशतले वृद्धि भएको हो । 

यो फण्डले लगानी गरेका सेयरमध्ये सबैभन्दा बढी नेपाल दूरसंचार कम्पनी लिमीटेडको मात्रै २९ हजार ६ सय ४० कित्तामा लगानी छ ।