काठमाण्डौ । रोयल इनफिल्ड क्लासिक ३५० कम्पनीको बेस्टसेलिङ बाइक हो। यो बाइकको रेट्रो लुक निकै मन पराइएको छ।

कम्पनीले गत वर्ष यो बाइक सन् २०२० मा बीएस सिक्स इन्जिनका साथ पेस गरेको थियो। अब कम्पनीले यो बाइकको नेक्सट जेनेरेसन मोडल लन्च गर्ने तयारी गरेको छ। 

नयाँ बाइकमा रोयल इनफिल्ड क्लासिक ३५० मा कम्पनीले मिटियर ३५० मा उपलब्ध गराइएको इन्जिनको प्रयोग गर्न सक्ने बताइएको छ। रोयल इनफिल्ड मिटियर ३५० बाइकलाई राम्रै रोस्पोन्स पाएको थियो। 

नयाँ बाइकको लन्चको मिति भने हालसम्म तोकिएको छैन। तर आउँदो अगस्टमा नयाँ क्लासिक ३५० बाइक लन्च हुन सक्ने अनुमान गरिएको छ। यो बाइकमा ३४९सीसी सिंगल सिलिन्डर इन्जिन हुन सक्ने बताइएको छ।

नयाँ बाइकमा सबैभन्दा ठूलो परिवर्तन यसको इन्जिनमा हुन सक्छ। यो बाइकमा ३४९ सीसी नयाँ सिंगल सिलिन्डर एयर कुलर लङ स्ट्रोक इन्जिनका साथ पेस गरिने बताइएको छ। जसले २०.२ बीएचपीको पावर र २७ एनएमको पिक टार्क जेनरेट गर्न सक्छ । 

यो नयाँ बाइमा ५ स्पिड गियरबक्सका साथ लन्च गरिनेछ। यसमा राइडिङका क्रममा भाइब्रेसन हुने छैन। जसका कारण बाइक चलाउन निकै मज्जा आउने कम्पनीको दाबी छ। 

नयाँ बाइकको मुख्य विशेषता भनेको यसमा ट्रिपर नेभिगेसन सिस्टमको प्रयोग गरिएको छ। जसका माध्यमबाट राइडर आफ्नो स्मार्टफोनलगायत अन्य फिचर्सको लाभ डिजिटल इन्ट्रुमेन्ट कल्स्टरको मद्दतबाट उठाउन सक्नेछन्। यो बाइक यो रेन्जका अन्य बाइकहरुलाई कडा टक्कर दिने अनुमान गरिएको छ। – एजेन्सी