काठमाण्डौ । फर्स्ट माइक्रोफाइनान्स लघुवित्त वित्तीय संस्था लिमिटेडले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ।
समीक्षा अवधिमा संस्थाले ५ करोड ६ लाख रुपैयाँ खुद नाफा आर्जन गर्न सफल भएको छ। जुन अघिल्लो वर्षको यही अवधिको तुलनामा २०.५२ प्रतिशतले कम हो। अघिल्लो वर्ष यही अवधिमा संस्थाले ६ करोड ३७ लाख रुपैयाँ खुद नाफा आर्जन गरेको थियो।
समीक्षा अवधिमा संस्थाको सञ्चालन मुनाफा पनि २०.५२ प्रतिशतले घटेको छ। अघिल्लो वर्ष यही अवधिमा संस्थाले ९ करोड ११ लाख रुपैयाँ सञ्चालन मुनाफा आर्जन गरेकोमा समीक्षा अवधिमा घटेर ७ करोड २४ लाख रुपैयाँमा सीमित बनेको छ।
पहिलो त्रैमासमा संस्थाले ८ करोड १ लाख रुपैयाँ खुद ब्याज आम्दानी गरेको छ। अघिल्लो वर्ष यही अवधिमा यस्तो आम्दानी १२ करोड १ लाख रुपैयाँ थियो। यो हिसाबले खुद ब्याज आम्दानी पनि ३३.२७ प्रतिशतले घटेको छ।
पहिलो त्रैमासमा संस्थाको खराब कर्जा अनुपात (एनपीएल) बढेर १.९१ प्रतिशत पुगेको छ। अघिल्लो वर्ष यही अवधिमा एनपीएल ० प्रतिशत थियो।
खराब कर्जा बढ्नु तथा सञ्चालन मुनाफा र ब्याज आम्दानी घट्नुले संस्थाको नाफा प्रभावित भएको देखिन्छ।
चुक्तापुँजी १ अर्ब १४ करोड रुपैयाँ संस्थाको रिजर्भको आकार १०.७६ प्रतिशतले बढेर २८ करोड १६ लाख रुपैयाँको उचाइमा पुगेको छ। अघिल्लो वर्ष रिजर्भमा २५ करोड ४२ लाख रुपैयाँ रहेको थियो।
समीक्षा अवधिमा संस्थाले ६ अर्ब ६४ करोड रुपैयाँ सापटी लिई ७ अर्ब १३ करोड रुपैयाँ कर्जा लगानी गरेको छ। अघिल्लो वर्ष यही अवधिमा संस्थाले ७ अर्ब ४६ करोड रुपैयाँ सापटी लिई ७ अर्ब ६५ करोड रुपैयाँ कर्जा प्रवाह गरेको थियो।
वार्षिकीकृत संस्थाको ईपीएस बढेर घटेर १७.६६ रुपैयाँ पुगेको छ। अघिल्लो वर्ष ईपीएस २६.४५ रुपैयाँ थियो। पीई रेसियो ३५.६३ गुणा रहेको संस्थाको प्रतिसेयर नेटवर्थ १४२.३७ रुपैयाँ रहेको छ।
3 months ago
3 months ago
3 months ago
3 months ago
3 months ago
3 months ago
3 months ago
3 months ago
3 months ago
3 months ago