काठमाण्डौ । लगानीयोग्य रकम भएर पनि उच्च ब्याजदरका कारण ऋण प्रवाह हुन नसकेपछि अर्थतन्त्रलाई चलायमान बनाउन नेपाल राष्ट्रबैंकले ब्याजदर घटाउने नीति लिएको छ ।

मौद्रिक नीतिको तेश्रो त्रैमासिक समीक्षा सार्वजनिक गर्दै केन्द्रीय बैंकले बैंकको ब्याजदर घटाउने गरी केही नीतिगत व्यवस्थाहरु गरेको हो ।  

यही रणनीतिका कारण केन्द्रीय बैंकले हाल कायम बैंकदरलाई एकप्रतिशत विन्दूले घटाएर ७.५ प्रतिशत कायम गरेको छ । यसअघि यस्तो दर ८.५ प्रतिशत थियो । यो व्यवस्थाले निक्षेप र ऋणको ब्याजदर घटाउन मद्दत गर्नेछ । 

यस्तै, राष्ट्रबैंकले ऋणपत्रका कारण रोकिएको ऋण लगानीमा पनि थप लचकता अपनाएको छ । एक तथ्यांकअनुसार करिब ६० अर्ब रुपैयाँ बराबरको ऋणपत्र असार मसान्तपछि कर्जा खनिक्षेप अनुपात (सीडी रेसियो)मा गणना गर्न नपाइने अवस्थाक ाकारण बैंकहरुले पैसा भएर पनि ऋण दिन सकिरहेका थिएनन् । मौद्रिक समीक्षामार्फत राष्ट्र बैंकले पुस मसान्तसम्म ऋणपत्रलाई गणना गर्न दिने व्यवस्था गरेको छ ।

यस्तै, आर्थिक मन्दीका कारण समस्यामा परेका क्षेत्रलाई चलायमान बनाउने गरी केन्द्रीय बैंकले पुनर्कर्जा पनि दिने नीति लिएको छ । समीक्षामा उल्लेख भएअनुसार पछिल्ला दुई त्रैमासमा ऋणात्मक भएको आर्थिक क्षेत्रसँग सम्बन्धित क्षेत्रलाई पुनर्कर्जा दिइनेछ । 

यसैगरी, होटल तथा रेस्टुरेन्ट, पशुपंक्षी पालन, निर्माण क्षेत्रसँग सम्बन्धित तथा पाँच  करोडसम्मको अन्य क्षेत्रमा प्रवाह भएको कर्जालाई २०८० असार मसान्तभित्र पुनर्संरचना रपुनर्तालिकीकरण गर्न सक्ने व्यवस्था समेत गरिएको छ । 

चालु पुँजी कर्जा लिनेहरुका लागि पनि थप सहुलियत हुने गरी व्यवस्था गरिएको छ । चालु पुँजी कर्जालाई ब्याज नियमित रहेकमो अवस्थामा कुनै किसिमको हर्जाना र शुल्क नलिने गरी ३ महिनासम्मका लागि २०८० असार मसान्तभित्र म्याद थप गर्न सकिने सुविधा दिइएको हो।