काठमाण्डौ । नेपालका लागि टीभीएस स्कुटर र मोटरसाइकलको एकमात्र आधिकारिक वितरक जगदम्बा मोटर्सले टीभीएस महाएक्सचेन्ज महोत्सवमा एनटर्क १२५ सीसी ड्रम रातो रङमा सार्वजनिक गरेको छ। राम्रो माइलेज दिने एनटर्क १२५ सीसी ड्रममा स्मार्टकनेक्ट र ब्लुटुथ कनेक्टिभिटी पनि उपलब्ध छ।

शंकर ग्रुपका एक्जिक्युटिभ डाइरेक्टर अखिल गुप्ताले भने, ‘ग्राहकको उच्च मागलाई मध्यनजर गर्दै टीभीएस एनटर्क ड्रमलाई बोल्ड रातो कलरमा लन्च गर्न पाउँदा हामी हर्षित छौँ। सडकमा आफ्नो साहस देखाउन चाहने जोकोहीका लागि यो स्कुटर उपयुक्त हुनेछ। हाम्रा अमूल्य ग्राहकका लागि उच्च गुणस्तरीय जीवनशैली सुनिश्चित गर्न थप रोमाञ्चक सवारीसाधन र अपग्रेडहरु ल्याउने प्रयासमा हामी निरन्तर लागिरहेका छौँ।’

टीभीएस एनटर्क ड्रममा ९.४ पीएस पावरसहितको बलियो १२५ सीसी इन्जिन रहेको छ। यसको स्मार्ट कनेक्टले नेभिगेसन र पार्क गर्दाको स्कुटरको लोकेसन थाहा पाउन सजिलो बनाएको छ। स्लिक डिजाइन स्टेल्थ एयरक्राफ्टबाट प्रेरित यस स्कुटरमा राइड पनि स्मुद र सहज हुने कम्पनीले जनाएको छ। ‘टी’ आकारको रियर ल्याम्पले यस स्कुटरलाई सजिलै चिन्न सकिने बनाउनुका साथै थप सुरक्षाका लागि उत्कृष्ट भिजिबिलिटी पनि सुनिश्चित गर्दछ। स्पोर्टी स्टबी मफलरले यसको स्पोर्टी लुक प्रदान गर्नेमात्र होइन स्कुटरको पर्फर्मेन्समा पनि योगदान पुर्याउँछ। 

ठूला १२ इन्चका टायरहरुका साथ एनटर्क १२५ ड्रम भेरियन्टले आरामदायी र सुरक्षित सवारी सुनिश्चित गर्दै सडकमा स्थिरता र ग्रिप प्रदान गर्दछ। बोल्ड र चंकी टायरहरुले विभिन्न भूभागमा उत्कृष्ट पकड प्रदान गर्नेछ। जसले यस स्कुटरलाई उत्कृष्ट टु–ह्विलर साबित गर्नेछ।

यसका साथै ब्याटविङ–स्टाइलको डेटाइम लाइटले स्कुटरलाई फरक बनाउनुका साथै भिजिबिलिटी बढाउँछ। जसले दिनको समयमा पनि सुरक्षित राइड प्रोत्साहन गर्छ। स्पोर्टी स्प्लिट ग्रेब रेलको एडिसनले यात्रुहरुलाई राइडमा सुरक्षित रुपमा समात्न मिल्नेछ। पछाडिको भेन्टहरुले स्कुटरलाई सहज रुपमा चल्न मद्दत गर्नुका साथै हिट लस पनि कम गर्नेछ। 

त्यसैगरी गेमिङ कन्सोलबाट प्रेरित स्पिडोमिटरले आधुनिकताको टच थप्नुका साथै राइडको समयमा एकै झलकमा महत्वपूर्ण जानकारी पनि प्रदान गर्दछ।  टीभीएस एनटर्क ड्रम रेडको मूल्य रु. २ लाख ३५ हजार ९०० रहेको छ। 

हिजोदेखि काठमाण्डौको भृकुटीमण्डपमा सुरु भएको टीभीएस महाएक्सचेन्ज महोत्सव आगामी शनिबारसम्म जारी रहनेछ। यस महोत्सवमा ग्राहकले कुनै पनि बाइक र स्कुटर टीभीएस ब्रान्डका प्रोटक्टसँग एक्सचेन्ज गर्दा रु. ५० हजारको थप एक्सचेन्ज भ्यालु पाउन सक्नेछन्। साथै, यस महाएक्सचेन्ज महोत्सवमा शून्य प्रतिशत ब्याजदरमा २५% सम्मको डाउन पेमेन्टमा टीभीएसको मोटरसाइकल र स्कुटर खरिद गर्न सकिनेछ भने हेल्मेट, बाइक कभर र ब्याग पनि निःशुल्क रुपमा प्राप्त गर्न सकिनेछ। 

त्यसैगरी यस महोत्सवमा नकिन्दा १ लाख र किन्दा ५ लाख रुपैयाँसम्मको नगद छुट पनि प्राप्त गर्न सकिनेछ भने बम्पर उपहारमा १० लाख रुपैयाँसम्म जित्न सकिनेछ।