काठमाण्डौ । तपाईंले यो विश्वमा धेरै यस्ता अर्बपति चिन्नुभएको होला, जो आफ्नो शान सौकत र महंगो लाइफस्टाइलका कारण चर्चित  छन् । तर, विश्वमा  यस्ता केही अर्बपतिहरु पनि छन्, जो आफ्नो अजिबको सौखलाई लिएर सधैं चर्चामा आइरहन्छन् । हामी आज एक २४ वर्षीय भारतीय मूलका युवा अर्बपतिको कुरा गरिरहेका छौ । जसलाई हिजोआज इन्स्टाग्राममा ‘कमाईका राजा’ भनेर समेत  चिनिन्छ । तर, उनको खास कुरा यो पनि हो कि उनका फलोअर्स उनलाई सबैभन्दा धेरै घृणा गर्छन् । यसको बाबजुद उनी कमाईमा नम्बर वान छन् । तिनै अजिबका अर्बपतिको बिषयमा हामी बताउन गइरहेका छौ । 

२४ वर्षका यी अर्बपति अमेरिकामा बस्छन् । धेरै नाम र पैसा कमाउने चक्करमा उनले आफूलाई अमेरिकन भन्न रुचाउँछन । केही वर्षअघि उनी अमेरिका गए र त्यहाँ आफ्नो लोकप्रियताका लागि सोसल  मिडियालाई हतियार बनाए । हेर्दा हेर्दै यी व्यक्ति आज यति धेरै चर्चित भए कि यिनलाई इन्स्टाग्रामको सबैभन्दा घृणित स्टारको रुपमा चिनिन्छ । उनलाई यसकारण सबैभन्दा घृणित  पात्र भनिएको छ कि, इन्स्टाग्राममा उनलाई  जति मानिसले फलो गर्छन, त्यो भन्दा कयौं गुणा बढी जमातले उनलाई घृणा गर्छन् । 

अनौठो जीवन बाँच्छन् परम  शर्मा
भारतीय मूलका २४  वर्षीय परम शर्मा अनौठो जीवन जिउने आदतमा छन् । अमेरिकाको सान  फ्रान्सिस्कोमा यी व्यक्तिलाई इन्स्टाग्रामकै घृणित पात्रको रुपमा चिन्ने गरिन्छ । यसको बाबजुद परमका इन्स्टाग्राममा ३ लाख ६२ हजार फलोअर्स छन् । एकतर्फ यिनको कमाईं करोडौं रुपैयाँ रहेको छ भने अर्कोतर्फ उनी निकै अनौठो तरिकाले पैसा उडाइरहेका हुन्छन् । अन्य सामान्य मानिस नुहाउनका लागि पानीको साथमा साबुनको प्रयोग गर्छन्, तर परम जब आफ्नो स्वीमिङ पुलमा नुहाउन जान्छन्, तब पानीमा नोट हाल्छन् र डूबुल्की मार्छन् । यति मात्र होइन, परमको पैसा खर्च गर्ने अन्य अति अनौठा तरिका समेत छन् । यी अनौठा कुरा थाहा पाएर तपाईं पनि दंग पर्न सक्नुहुन्छ । 

परमको यस्तो अनौठो सौख
विश्वमा यस्ता अर्बपति छन्, जसका अनौठा–अनौठा सौख छन् । कोही सुनको कार चढ्न मन पराउँछन् भने कोही बाथरुम नै सुनको बनाउँछन् । तर, परमको पैसा खर्च तरिका बिल्कुल फरक छ । यी व्यक्ति आफ्नो पैसाले महंगो बियर खरीद गरी आफ्नो शौचालयमा ती बियर बगाइदिन्छन् । परमको भनाईमा उनलाई यसो गर्नुमा निकै आनन्द अनुभूत हुन्छ । 

कुकुरलाई करोडौंको कपडा
परम आफ्नो पैसा आफू र आफ्ना साथीभाईका लागि मात्र होइन, आफ्नो कुकुरमा पनि खुलेरै खर्च गर्छन । उनी आफ्नो कुकुरलाई निकै महंगो ब्राण्डेड कपडा लगाइदिन्छन् । यिनको यस्तै अनौठा सौखका कारण धेरै मानिसलाई यिनलाई  घृणा गर्छन । तर इन्स्टाग्राममा उनका यस्ता फलोअरहरु पनि छन्, जो यिनको भिडियोलाई निकै व्यग्रताका साथ पर्खिरहेका हुन्छन् । परम इन्स्टाग्रामको एक पोस्टबाट मात्र ५ लाख रुपैयाँ बराबर कमाउँछन् । 

अभिनयमा करिअर बनाउन गएका थिए अमेरिका
परम जब भारत छाडेर अमेरिका गए, त्यसबेला उनले सोचेका थिए कि अभिनय र मोडिलिङमा नाम कमाउनेछु । तर, उनको यो सपना  पूरा भएन । त्यसपछि उनले आफ्नो पहिलो भिडियो इन्स्टाग्राममा पोस्ट गरे, जसलाई ९० हजार मानिसले हेरेका थिए । त्यहीबेलादेखि परमले यस्ता अनौठा दृश्यहरु इन्स्टाग्राममा पोस्ट गर्न थाले । आज परमको कमाई अमेरिकाका कयौं लोकप्रिय मोडल तथा सेलिब्रेटीको भन्दा निकै धेरै छ ।