काठमाण्डौ । नेपाल बजारमा बुधबार सुनको भाउ उकालो लागेको छ।

नेपाल सुनचाँदी व्यवसायी महासंघका अनुसार आज सुनको भाउ तोलामा ६०० रुपैयाँले बढेको हो। योसँगै प्रतितोला फाइन गोल्ड १ लाख १ हजार ५०० रुपैयाँ र तेजाबी गोल्ड १ लाख १ हजार रुपैयाँ कायम भएको छ। 

हिजो पनि सुनको भाउ तोलामा ८०० रुपैयाँले बढेको थियो। यो दिन प्रतितोला फाइन गोल्ड १ लाख ९०० रुपैयाँ र तेजाबी गोल्ड १ लाख ४०० रुपैयाँमा कारोबार भएको थियो।

त्यसो त यो वर्षभरिमा सुनको भाउ १२ हजार रुपैयाँले बढेको छ। गत वर्ष चैत मसान्तमा प्रतितोला फाइन गोल्ड ८९ हजार ५०० रुपैयाँ र तेजाबी गोल्ड ८९ हजार ५० रुपैयाँमा कारोबार भएको थियो।

आज चाँदीको भाउ पनि तोलामा २० रुपैयाँले बढेर १ हजार ४०० रुपैयाँ पुगेको छ। हिजो तोलामा १५ रुपैयाँले बढेर चाँदी १ हजार ३८० रुपैयाँमा किनबेच भएको थियो।

यो वर्षभरि भने चाँदीको भाउ १४० रुपैयाँले बढेको छ। गत वर्ष चैत मसान्तका दिन चाँदीको भाउ १ हजार २६० रुपैयाँ थियो।