काठमाण्डौ । नेपाली बजारमा यो साता सुन र चाँदी दुवैको भाउ ओरालो लागेको छ। 

यो साता सुनको भाउ तोलामा १ हजार ५०० रुपैयाँले घटेको छ भने चाँदी ८५ रुपैयाँले सस्तिएको छ। 

नेपाल सुनचाँदी व्यवसायी महासंघका अनुसार आज सुनको भाउ स्थिर रहेको थियो। योसँगै आज प्रतितोला फाइन गोल्ड १ लाख ७ हजार ३०० रुपैयाँ र तेजाबी गोल्ड १ लाख ६ हजार ८०० रुपैयाँ कायम भएको छ। 

गत शुक्रबार प्रतितोला फाइन गोल्ड १ लाख ८ हजार ८०० रुपैयाँ र तेजाबी गोल्ड १ लाख ८ हजार ३०० रुपैयाँ थियो। यो दिन सुनको भाउ तोलामा ८०० रुपैयाँले थियो। 

आज चाँदीको भाउ पनि स्थिर रहँदै तोलाको १ हजार ३१० रुपैयाँ कायम भएको छ। चाँदीको भाउ लगातार ३ दिनदेखि स्थिर रहेको छ। 

गत शुक्रबार चाँदी तोलाको १ हजार ३९५ रुपैयाँमा कारोबार भएको थियो। यो दिन चाँदी तोलामा २५ रुपैयाँले बढेको थियो।