काठमाण्डौ । साताको पहिलो कारोबार दिन आइतबार सुनको भाउ ओरालो लागेको छ। 

नेपाल सुनचाँदी व्यवसायी महासंघका अनुसार आज सुनको भाउ तोलामा १ हजार रुपैयाँले घटेको छ। योसँगै प्रतितोला फाइन गोल्ड ९३ हजार रुपैयाँ र तेजाबी गोल्ड ९२ हजार ५०० रुपैयाँ कायम भएको छ। 

गत कात्तिक ७ गते सुनको भाउ स्थिर रहेको थियो। यो दिन प्रतितोला फाइन गोल्ड ९४ हजार रुपैयाँ र तेजाबी गोल्ड ९३ हजार ५०० रुपैयाँमा कारोबार भएको छ। 

आज चाँदीको भाउ तोलामा १५ रुपैयाँले घटेर १ हजार २०० रुपैयाँ कायम भएको छ। गत कात्तिक ७ गते भाउ स्थिर रहँदै चाँदी १ हजार २१५ रुपैयाँमा किनबेच भएको थियो।