काठमाण्डौ । नेपाली बजारमा लगातार तेस्रो दिन मंगलबार सुनको भाउ उकालो लागेको छ। 

नेपाल सुनचाँदी व्यवसायी महासंघका अनुसार आज सुनको भाउ तोलामा ३०० रुपैयाँले बढेको हो। योसँगै प्रतितोला फाइन गोल्ड ९४ हजार रुपैयाँ र तेजाबी गोल्ड ९३ हजार ५०० रुपैयाँ कायम भएको छ। 

हिजो सोमबार पनि सुनको भाउ तोलामा १०० रुपैयाँले बढेको थियो। यो दिन प्रतितोला फाइन गोल्ड ९३ हजार ७०० रुपैयाँ र तेजाबी गोल्ड ९३ हजार २०० रुपैयाँमा किनबेच भएको थियो। 

गत आइतबार पनि सुनको भाउ तोलामा ६०० रुपैयाँले बढेको थियो।

चाँदीको भाउ पनि आज १० रुपैयाँले बढेर १ हजार १२५ रुपैयाँ कायम भएको छ। हिजो तोलामा १ रुपैयाँले बढेर चाँदी १ हजार ११५ रुपैयाँमा कारोबार भएको थियो।