काठमाण्डौ । विश्वको सबैभन्दा सनो घोडा पोल्यान्डमा फेला परेको छ। यसको उचाइ मात्र १ फिट रहेको छ ।

उक्त घोडा नाम बम्बेल दिइएको छ । गत बुधबारमात्र यो घोडाको नाम गिनिज वल्र्ड रिकर्डसमा लेखाउन सफल भएको छ ।  बम्बेल पोल्यान्डस्थित कासकडा फर्म हाउमा राखिएको थियो । त्यहाँ थुप्रै घोडाहरु राखिएका छन् । जसमा यो सबैभन्दा सानो घोडा हो ।

फर्मका मालिक प्याट्रिक र केटरजाइनाले पहिलोपटक यो घोडालाई सन् २०१४ मा देखाएका थिए । त्यतिखेर यो घोडा जम्मा दुई महिनाको मात्र थियो ।

प्याट्रिक र केटरजाइनाले बम्बेललाई ल्याएर आफ्नो फर्ममा पाल्दा केही बिरामीजस्तो थियो । तर पछि पत्ता लाग्यो कि यो घोडा अन्य घोडाजस्तै बढिरहेको छैन । असामान्य यो घोडाको उचाइ र तौल नबढेपछि प्याट्रिक र केटरजाइनाले यसको नाम गिनिज वल्र्ड रिकर्डसमा लेखाउने विचार गरे र सफल पनि भए । –एजेन्सी