शाखा बिस्तारमा गरिमा आक्रामक, एकैदिन ४ वटाको उद्घाटन

काठमाण्डौ । गरिमा विकास बैंकले सुर्खेत जिल्लाको वीरेन्द्रनगर, बाँकेको चप्परगौडी, लमजुंगको बेंसीशहर र नुवाकोटको बट्टार गरी चार शाखा कार्यालयको औपचारिक उद्घाटन गरेको छ । 

शुक्रबार ती क्षेत्रमा कार्यक्रमहरु आयोजना गरी शाखा कार्यालयको औपचारिक उद्घाटन गरिउको हो । 

बीरेन्द्रनगर शाखा कार्यालयको उद्घाटन बीरेन्द्रनगर नगरपालिकाका मेयर देवकुमार सुवेदी, चप्परगौडी शाखाकार्यालयको उद्घाटन नेपाल राष्ट्रबैंक नेपालगञ्ज कार्यालयका नायबनिर्देशक  नारायण पोखरेल, बेंसीशहर शाखा कार्यालयको उद्घाटन बेसीशहर नगरपालिकाका मेयर गुमानसिंह अर्याल र बट्टार शाखा कार्यालयको उद्घाटन विदुर नगरपालिकाका मेयर सञ्जु पण्डितले गरेका बैंकले जनाएको छ ।

काठमाण्डौंको लाजिम्पाटमा केन्द्रीयकार्यालय रहेको यस विकास बैंकको हाल काठमाण्डौं उपत्यकाभित्र ८ वटासहित देशभर ७२ शाखा र १८ वटा एटीएम संचालनमा छन् । 

विकास बैंकले निकट भविष्यमा नै पर्साको बीरगञ्ज, चितवनको मिलनचोक, दाङको तुल्सीपुर र कास्कीको हेम्जा सहित देशका विभिन्न स्थानहरुमा १९ शाखा कार्यालयहरु स्थापना गर्दैछ । 

चैत १४ गतेसम्म यो विकास बैंकले रु.२९ अर्ब ५० करोड निक्षेप संकलन गरी २५ अर्ब १० करोड कर्जा लगानी गरेको छ ।