काठमाण्डौ । श्री इन्भेस्टमेन्ट एन्ड फाइनान्स कम्पनी लिमिटेडले आर्थिक वर्ष २०७८–७९ का लागि लाभांश प्रस्ताव गरेको छ। 

कम्पनी सञ्चालक समितिको बिहीबार (मंसिर २९ गते) बसेको बैठकले उक्त आर्थिक वर्षको मुनाफाबाट हाल कायम चुक्तापुँजी ९५ करोड ८६ लाख ७५ हजार रुपैयाँको कुल ७.६ प्रतिशतले हुन आउने ७ करोड २८ लाख ५९ हजार ३०० रुपैयाँबराबरको लाभांश वितरण गर्ने प्रस्ताव गरेको छ। 

प्रस्तावित लाभांशमा २.४ प्रतिशतले हुन आउने २ करोड ३० लाख ८ हजार २०० रुपैयाँबराबरको बोनस सेयर र ५.२ प्रतिशतले हुन आउने ४ करोड ९८ लाख ५१ हजार १०० रुपैयाँबराबरको नगद लाभांश (करसहित) रहेका छन्। 

प्रस्तावित लाभांश नेपाल राष्ट्र बैंकको स्वीकृतिपछि आगामी २८ औँ वार्षिक साधारणसभाबाट अनुमोदन गरी वितरण गरिने कम्पनीले जनाएको छ।