काठमाण्डौ । नेपाली बजारमा सुनको भाउ आज आइतबार थोरै बढेको छ।

नेपाल सुनचाँदी व्यवसायी महासंघका अनुसार आज सुनको भाउ तोलामा १०० रुपैयाँ बढेको हो। योसँगै आज प्रतितोला फाइन गोल्ड ९१ हजार ८०० रुपैयाँ र तेजाबी गोल्ड ९१ हजार ३०० रुपैयाँ कायम भएको छ। 

गत साता शुक्रबार सुनको भाउ तोलामै १ हजार १०० रुपैयाँले उकालो लागेको थियो। यो दिन प्रतितोला फाइन गोल्ड ९१ हजार ७०० रुपैयाँ र तेजाबी गोल्ड ९१ हजार २०० रुपैयाँमा कारोबार भएको थियो।

आज चाँदीको भाउ तोलामा ५ रुपैयाँले घटेर १ हजार ३४५ रुपैयाँ कायम भएको छ। गत शुक्रबार तोलामा ३५ रुपैयाँ बढेर चाँदी १ हजार ३५० रुपैयाँमा कारोबार भएको थियो।