काठमाण्डौ । साताको तेस्रो कारोबार दिन मंगलबार सुनको भाउ ओरालो लागेको छ।

नेपाल सुनचाँदी व्यवसायी महासंघका अनुसार आज सुनको भाउ तोलामा २०० रुपैयाँले घटेको हो। योसँगै आज प्रतितोला फाइन गोल्ड ९३ हजार ५०० रुपैयाँ र तेजाबी गोल्ड ९३ हजार रुपैयाँमा झरेको छ। 

हिजो सोमबार सुनको भाउ तोलामा १०० रुपैयाँ बढेको थियो। यो दिन प्रतितोला फाइन गोल्ड ९३ हजार ७०० रुपैयाँ र तेजाबी गोल्ड ९३ हजार २०० रुपैयाँमा कारोबार भएको छ। 

गत आइतबार भने तोलामा ३०० रुपैयाँ बढेर प्रतितोला फाइन गोल्ड ९३ हजार ६०० रुपैयाँ र तेजाबी गोल्ड ९३ हजार १०० रुपैयाँमा कारोबार भएको थियो।

आज चाँदीको भाउ स्थिर रहँदै तोलाको १ हजार ३५० रुपैयाँ कायम भएको छ। हिजो तोलामा ५ रुपैयाँ बढेको चाँदीको भाउ गत आइतबार भने तोलामा ५ रुपैयाँले ओरालो लागेको थियो।