काठमाण्डौ । नेपाली बजारमा आज आइतबार सुनको भाउ तोलामै १ हजार ५०० रुपैयाँले ओरालो लागेको छ। 

नेपाल सुनचाँदी व्यवसायी महासंघका अनुसार आज सुनको भाउ तोलामा १ हजार ५०० रुपैयाँले घटेको हो। योसँगै प्रतितोला फाइन गोल्ड ९० हजार रुपैयाँ र तेजाबी गोल्ड ८९ हजार ५०० रुपैयाँमा झरेको छ।

गत शुक्रबार पनि सुनको भाउ तोलामा ५५० रुपैयाँले घटेको थियो। यो दिन प्रतितोला फाइन गोल्ड ९१ हजार ५०० रुपैयाँ र तेजाबी गोल्ड ९१ हजार रुपैयाँमा झरेको थियो। 

आज चाँदीको भाउ पनि तोलामै २५ रुपैयाँ घटेर १ हजार २४० रुपैयाँ कायम भएको छ। गत शुक्रबार तोलामा १० रुपैयाँ घटेर चाँदी १ हजार २६५ रुपैयाँमा कारोबार भएको थियो।