काठमाण्डौ । नेपाली बजारमा सुनको भाउ लगातार घटिरहेको छ। आज मंगलबार पनि सुनको भाउ ओरालो लागेको छ। 

नेपाल सुनचाँदी व्यवसायी महासंघका अनुसार आज सुनको भाउ तोलामा १ हजार ३०० रुपैयाँले घटेको हो। योसँगै प्रतितोला फाइन गोल्ड १ लाख ६ हजार ६०० रुपैयाँ र तेजाबी गोल्ड १ लाख ६ हजार १०० रुपैयाँ कायम भएको छ। 

हिजो पनि सुनको भाउ तोलामा १०० रुपैयाँले घटेको थियो। यो दिन प्रतितोला फाइन गोल्ड १ लाख ७ हजार ९०० रुपैयाँ र तेजाबी गोल्ड १ लाख ७ हजार ४०० रुपैयाँमा कारोबार भएको थियो। 

पछिल्लो पछिल्ला ७ कारोबार दिनदेखि सुनको भाउ ओरालो लागिरहेको छ। गत असोज ८ गते प्रतितोला फाइन गोल्डको १ लाख १२ हजार २०० रुपैयाँ र तेजाबी गोल्डको १ लाख ११ हजार ६५० रुपैयाँ थियो। 

यो ७ दिनको अवधिमा सुनको भाउ तोलामै ५ हजार ६०० रुपैयाँले घटिसकेको छ। 

आज चाँदीको भाउ पनि तोलामा ३० रुपैयाँले घटेर १ हजार ३१० रुपैयाँमा झरेको छ। हिजो पनि तोलामा २० रुपैयाँले घटेर चाँदी १ हजार ३४० रुपैयाँमा किनबेच भएको थियो।