काठमाण्डौ । हिजो स्थिर रहेको सुनको भाउ आज बिहीबार बढेको छ।

नेपाल सुनचाँदी व्यवसायी महासंघका अनुसार आज सुनको भाउ तोलामा २०० रुपैयाँले बढेको हो। योसँगै आज प्रतितोला फाइन गोल्ड ८६ हजार ९०० रुपैयाँ र तेजाबी गोल्ड ८६ हजार ४५० रुपैयाँ कायम भएको छ। 

हिजो बुधबार सुनको भाउ स्थिर रहेको छ। यो दिन प्रतितोला फाइन गोल्ड ८६ हजार ७०० रुपैयाँ र तेजाबी गोल्ड ८६ हजार २५० रुपैयाँमा कारोबार भएको थियो। 

आज चाँदीको भाउ भने तोलामा १० रुपैयाँले घटेर १ हजार २३० रुपैयाँ कायम भएको छ। हिजो बुधबार पनि चाँदी तोलामा १० रुपैयाँले घटेर १ हजार २४० रुपैयाँमा कारोबार भएको थियो।