काठमाण्डौ । साताको अन्तिम कारोबार दिन शुक्रबार सुनको भाउमा सामान्य बढोत्तरी भएको छ। 

नेपाल सुनचाँदी व्यवसायी महासंघका अनुसार आज सुनको भाउ तोलामा १०० रुपैयाँले बढेको हो। योसँगै प्रतितोला फाइन गोल्ड ९३ हजार ९०० रुपैयाँ र तेजाबी गोल्ड ९३ हजार ४०० रुपैयाँ कायम भएको छ। 

हिजो बिहीबार पनि सुनको भाउ तोलामा ८०० रुपैयाँले बढेको थियो। यो दिन प्रतितोला फाइन गोल्ड ९३ हजार ८०० रुपैयाँ र तेजाबी गोल्ड ९३ हजार ३०० रुपैयाँमा किनबेच भएको थियो। 

आज चाँदीको भाउ तोलामा १५ रुपैयाँले बढेर १ हजार १५० रुपैयाँ कायम भएको छ। हिजो तोलामा २५ रुपैयाँले बढेर चाँदी १ हजार १३५ रुपैयाँमा कारोबार भएको थियो। 

समग्रमा यो साता सुनको भाउ तोलामा ९०० रुपैयाँ र चाँदीको ४५ रुपैयाँले बढेको छ।