काठमाण्डौ । नेपाली बजारमा बुधबार सुनको भाउ ओरालो लागेको छ।

नेपाल सुनचाँदी व्यवसायी महासंघका अनुसार आज सुनको भाउ एकैदिन तोलामा १ हजार ५०० रुपैयाँले घटेको छ। योसँगै प्रतितोला फाइन गोल्ड १ लाख ६०० रुपैयाँ र तेजाबी गोल्ड १ लाख १०० रुपैयाँ कायम भएको छ। 

हिजो मंगलबार सुनको भाउ तोलामा ४०० रुपैयाँले घटेको थियो। यो दिन फाइन गोल्ड १ लाख २ हजार १०० रुपैयाँ र तेजाबी गोल्ड १ लाख १ हजार ६०० रुपैयाँमा कारोबार भएको थियो। 

आज चाँदीको भाउ पनि तोलामा ३५ रुपैयाँले घटेर १ हजार ३८५ रुपैयाँ कायम भएको छ। हिजो भाउ स्थिर रहँदै चाँदी १ हजार ४२० रुपैयाँमा किनबेच भएको थियो।