काठमाण्डौ । दसैँ बिदापछिको पहिलो कारोबार दिन आइतबार सुनको भाउ उकालो लागेको छ। 

नेपाल सुनचाँदी व्यवसायी महासंघका अनुसार आज सुनको भाउ तोलामा ३ हजार रुपैयाँले बढेको हो। योसँगै प्रतितोला फाइन गोल्ड ९६ हजार रुपैयाँ र तेजाबी गोल्ड ९५ हजार ५०० रुपैयाँ कायम भएको छ। 

गत असोज १४ गते पनि सुनको भाउ तोलामा २०० रुपैयाँले बढेको थियो। यो दिन प्रतितोला फाइन गोल्ड ९३ हजार रुपैयाँ र तेजाबी गोल्ड ९२ हजार ५०० रुपैयाँमा कारोबार भएको थियो।

आज चाँदीको भाउ पनि तोलामा ८५ रुपैयाँले बढेर १ हजार २५५ रुपैयाँ कायम भएको छ। गत असोज १४ गते भाउ स्थिर रहँदै चाँदी १ हजार १७० रुपैयाँमा किनबेच भएको थियो।