काठमाण्डौ । साताको तेस्रो कारोबार दिन मंगलबार सुनको भाउ ओरालो लागेको छ।

नेपाल सुनचाँदी व्यवसायी महासंघका अनुसार आज सुनको भाउ तोलामा ५०० रुपैयाँ घटेको हो। योसँगै आज प्रतितोला फाइन गोल्ड ८६ हजार रुपैयाँ र तेजाबी गोल्ड ८५ हजार ५५० रुपैयाँ कायम भएको छ।

हिजो सोमबार सुनको भाउ तोलामा २०० रुपैयाँले बढेको थियो। यो दिन प्रतितोला फाइन गोल्ड ८६ हजार ५०० रुपैयाँ र तेजाबी गोल्ड ८६ हजार ५० रुपैयाँमा कारोबार भएको थियो। 

आज चाँदीको भाउ पनि तोलामा १० रुपैयाँ घटेर १ हजार २१५ रुपैयाँ कायम भएको छ। हिजो सोमबार तोलामा ५ रुपैयाँ घटेर चाँदी १ हजार २२५ रुपैयाँमा कारोबार भएको थियो।