काठमाण्डौ । हुन्डाई इन्डियाले ग्रान्ड आई१० निओसको फेसलिफ्ट भर्जन भारतीय बजारमा लन्च गरेको छ। 

कोरियन कम्पनीले कारमा सुरक्षामा विशेष ध्यान दिएको छ। कम्पनीले ग्रान्ड आई१० निओस ह्याचब्याक सेग्मेन्टमा ६ एयरब्याग पाउने पहिलो गाडी हुने दाबी गरेको छ। 

कम्पनीले कारमा २० भन्दा बढी सेफ्टी फिचर उपलब्ध गराएको छ। यसको बेस भेरिएन्टमा ४ वटा एयर ब्याग हुनेछ। कारमा अब क्रुज कन्ट्रोल, एलईडी टेलल्याम्प, टायर प्रेसर मोनिटरिङ सिस्टम (हाइलाइन), ईएससी, हिल स्टार्ट असिस्ट कन्ट्रोल (एचएसी)लगायतका सुविधा छन्। 

कम्पनीले यसको बेस भेरिएन्टको मूल्य भारु ५ लाख ६८ हजार ५०० तोकेको छ। भारतका सबै डिलरसिपमा प्रि–बुकिङका लागि उपलब्ध छ। ग्राहकले भारु ११ हजारको टोकन रकममा हुन्डाई डिलरसिपमा कार प्रि–बुक गर्न सक्छन्। –एजेन्सी