काठमाण्डौ । आँधिखोला लघुवित्त वित्तीय संस्था लिमिटेडले आर्थिक वर्ष २०७७/७८ का लागि लाभांश प्रस्ताव गरेको छ।

संस्थाको आइतबार बसेको सञ्चालक समितिको बैठकले गत आर्थिक वर्षको मुनाफाबाट सेयरधनीहरुलाई हाल कायम सेयरपुँजी १० करोड रुपैयाँको कुल २० प्रतिशत लाभांश प्रस्ताव गरेको हो। 

प्रस्तावित लाभांशमा १९ प्रतिशतले हुन आउने १ करोड ९० लाख रुपैयाँबराबरको बोनस सेयर र १ प्रतिशतले हुन आउने १० लाख रुपैयाँको नगद लाभांश (कर प्रयोजनार्थ) रहेका छन्।

प्रस्तावित लाभांश नेपाल राष्ट्र बैंकको स्वीकृतिपछि आगामी वार्षिक साधारणसभाबाट अनुमोदन गरी सेयरधनीहरुलाई वितरण गरिने संस्थाले जनाएको छ।