काठमाण्डौ । ट्विटर सम्झौता पूरा भइसकेको छ। ट्विटर विश्वकै धनीव्यक्ति एलन मस्कले किनेका हुन्। अहिले यसमा धेरै परिवर्तन गर्ने तयारी भइरहेको छ। कम्पनीमा परिवर्तनहरुले धेरै मानिसलाई पैसा खर्च गर्नुपर्ने हुन सक्छ। 

एक रिपोर्टका अनुसार ट्विटरले ब्लु टिकका लागि शुल्क लगाउन सक्छ। द भर्जले यसबारे जानकारी दिएको हो। 

रिपोर्टमा ब्लु टिक ट्विटर ब्लु सदस्यहरुलाई मात्र दिइने उल्लेख छ। ट्विटर ब्लुका लागि कम्पनीको सदस्यता योजना लिनुपर्छ। यसमा धेरै अतिरिक्त सुविधा दिइएको छ।

ट्विटर ब्लुमा ट्विट सम्पादन र अनडु ट्विटजस्ता सुविधा देख्न सकिन्छ। अर्थात् ट्विटर ब्लु प्रयोगकर्तालाई मात्र ब्लु टिक दिइनेछ। 

प्रतिमहिना ब्लु टिक शुल्कबापत १९.९९ डलर (लगभग २ हजार ६३८ रुपैयाँ) सम्म तिर्नुपर्ने हुन सक्ने रिपोर्टमा उल्लेख छ।

ट्विटरमा पहिल्यै भेरिफिकेसन भइसकेकाहरुलाई ट्विटर ब्लुको सदस्यता लिन ९० दिनको समय दिइनेछ अन्यथा उनीहरुको नाम अगाडिको निलो टिक हटाइनेछ। यो अझै स्पष्ट छैन कि ट्विटर ब्लु टिक प्रमाणीकरण नियम परिवर्तन हुनेछ वा छैन।

ट्विटर सम्झौता एक हप्ता पनि पूरा भएको छैन। मस्क ठूलो परिवर्तनका लागि तयारी गर्दै छन्। यसअघि उनले सीईओ पराग अग्रवाल र अन्य धेरै सदस्यलाई ट्विटरबाट हटाइसकेका छन्। यसमा नीति प्रमुख विजया गड्डाको नाम पनि समावेश छ। –एजेन्सी